ضيفة كرسي الاعتراف الغاليه ((سالي))

السلام عليكم
احبتي اعضاء هذا المنتدى الراقي هانحن نعود لكم من جديد ونستضيف لكم ضيف جديد


غردت العصافير لحضورها


سختر نفسها ليكون يدا تعصف بكل جديد


مواضيعها تبهرك ،، وطرحها يسحرك ،، وردودهاـ تثلج القلوب


تحمل قلم لطالما تمنى الجميع ان يقرأ حروفها


ضيفه تحمل قلباً طيباً مليئ بالمرح والفكاهه والجدية في نفس الوقت

تتميز بالصراحه المتناهيه بلا حدود ولا تعرف المجامله مع القيود


نشيطه بتواجدها** راقيه بأسلوبها



دعونا جميعاً نرحب بالاخت الغاليه " سالي^^

طبعاا هذا كرسي الاعتراف





وهادي الضيافه





اهلاً بكـي اختي الغاليه ونحن مسرورون بقبولك لدعوتنا واتمنى ان تقضي على كرسي الاعتراف اجمل الاوقات وامتعها ..



اختي سالي دعيني ابدأ بالاسئلة وهي اسألة تقليديه نوعاً ما ولكن لعلها هي البدايه لتكون لي عودة لطرح الكثير والكثير من الاسئلة


اختي الكريمه :
بطاقة الشخصية
الاسم :
العمر :
الحالة الاجتماعيه :
المؤهل العلمي :


عرفينا اكثر واكثر عن "سالي " في سطور ؟؟




عزيزتي اتمنى ان تقضي معنا ومع جميع الاعضاء اجمل الاوقات وامتعها ..

شكرا شذاوي علي الكلام الحلووووو
الاسم : سلسبيل \سالي
العمر : 14
الحالة الاجتماعيه : قاعدة صغيرة
المؤهل العلمي : اعدادي


عرفينا اكثر واكثر عن "سالي " في سطور ؟؟
سالي بنت حلوة وكويسة ومش قصقاصة بكل ههههههههههه
تحب تكون محبوبة مرحة شطورة متفوقة في دراستي نغار علي الشخص يلي نحبه
وتحب يكون الكل مهتم بها

بسم الله شن جوك وشن اخبااااارك
الحمد لله كويسة
نبدا في الاسئله وان شاااء الله تكون خفيفه عليك
س1/صفي نفسك في ثلاث كلمات ؟؟؟؟؟
غيورة \ قصقاصة قصدي مش قصقاصة هههههه\مرحة

س2/ اكله تحبينها ؟؟؟؟؟؟
البيتزا
س3/ تحبين الطبخ والمطبخ والا انتي من... عشاق المطاعم واكلها نفسي ... ؟؟؟؟؟؟؟؟
عادي يعني مانحبش المطبخ وفي نفس الوقت مانكرهاش

س4/ موقف افرحك وموقف احزنك ؟؟؟؟
موقف افرحني لما نجحت
شي احزنني لما صديقتي سافرت وخلتني

س5/ اول ما تدخلين النت ((علي شنو تحطي )؟؟؟؟
علي المنتدي

س6 / شن رايك بشخصيه اعقل مجنونه ؟؟؟؟
هههههه بصراحة مزال مانعرفك كويس لكن نحس فييييييييييك بنوتة عاقلة ومجنونة ههههههههههه


ولي عوده طبعا اذا ماعندك مانع هههه
اكيييييييد ماعندي مانع تفضلي في اي وقت

مساء الخير سالي أني بنسألك أسئلة انشاء الله تكون خفيفة علي قلبك

1‏ أكتر منتدي ارتحتي فيه

2‏ شخص ماتقدريش تستغني عليه في حياة

3‏ هل تؤمني بالحب من طرف واحد وهل جربتي هذا الحب

4‏ اعز صديق وصديقة تعرفتي عليها عبر النت

أتمني أسألتي ماتكون تقيله عليك وتجاوبي عليها بكل شفافية

مرحبااسلسبيل

انا جيتك بالأسئلة

وياااريتها تكون وااااعرة هههههههه

خوذي :

1) كم مره طحتي بالشارع؟

2) كم مره ضربتك الاستاذه في الفصل وكم مره في الطابور؟

3) كم مره طحتي من السرير وانتي نايمه (واذا ما حسيتي بالطيحه مو مشكله بعذرك) هههههههه

4)- ماذا تعني لك المجامله ؟ وهل هي اساسيه مع الغير ؟

5) شن رايك في الأسئلة وصاحبتهن ؟

سلامات .

شن جوك انشالله تكون اسئلتي خفيفة عليك ...
-



-افضل شهـر بالسنه والسبب ؟

-افضل شخصيه في رأيك ؟

-فنانك ومطربك المفضل؟

يلا وينك ياسالي مغيبه

ســــــــــــــــالــــــــــــــــي

جاوبي ع الاسئله متع الاعضاء بعدين انجيبيلك الاسئله متاعتي

مساء الخير سالي أني بنسألك أسئلة انشاء الله تكون خفيفة علي قلبك
مساؤ صفو

1‏ أكتر منتدي ارتحتي فيه
شباب ليبيا

2‏ شخص ماتقدريش تستغني عليه في حياة
اكيييييييييد صاحبنتي هيومة

3‏ هل تؤمني بالحب من طرف واحد وهل جربتي هذا الحب
ايه نؤمن واني مجربة

4‏ اعز صديق وصديقة تعرفتي عليها عبر النت
هما هلبة لكن نختارو صديق اكيييييييييييد ميزو
صديقة دودو

أتمني أسألتي ماتكون تقيله عليك وتجاوبي عليها بكل شفافية
شكرااااا صفو علي الاسئلة

مرحبااسلسبيل
اهلين سوني

انا جيتك بالأسئلة

وياااريتها تكون وااااعرة هههههههه
ههههههه يامسموة

خوذي :

1) كم مره طحتي بالشارع؟
هههههه اكييييييييد هلببببببببببة

2) كم مره ضربتك الاستاذه في الفصل وكم مره في الطابور؟
هلببببببببة مرات وخاصة في الطابور لاني نهدرز هلبببببببببببة

3) كم مره طحتي من السرير وانتي نايمه (واذا ما حسيتي بالطيحه مو مشكله بعذرك) هههههههه
تقريبا 10000 مرة حسيت بيهم والباقي مانعرف هههههههههه

4)- ماذا تعني لك المجامله ؟ وهل هي اساسيه مع الغير ؟
المجمالة مانحبها بكل لكن مرات تكون ضرورية

5) شن رايك في الأسئلة وصاحبتهن ؟
الاسئلة حلييييييييوة وصحابتهم مشالله علها ذووووووووق وتهبل

سلامات .
سلااااااام

شن جوك انشالله تكون اسئلتي خفيفة عليك ...
-الحمد لله كويسة وبالف نعمة



-افضل شهـر بالسنه والسبب ؟
شهر 4 لانه فيه عيد ميلادي

-افضل شخصيه في رأيك ؟
شخصية ماما وبابا لاني ان شالله نكون زيهم

-فنانك ومطربك المفضل؟
تامر حسني
شكراااااا ولد بلاد

اهلاآآآآآ

كيف حالك ؟؟
مية مية

قبل مانبدو بالاسئلة لازم ضيفك حاجة

يلا تفضلى
ان شالله يكون عصير فروالة ههههههههه



صحة صحة ههههههههههه
ههههههه سلمك

وهذى الاسئلة

1: افضل لون عندك ؟
اكيييييييد الاحمر

2: احلى ميزة فيك ؟؟
اني مرحة

3: اكثر عيب حابة انك تتخلصى منه ؟؟؟
وكان قعمزت علي النت معاش نوض منه

+
----
-
يلا وينك ياسالي مغيبه
والله كانت عندنا شوية ضروف

ســــــــــــــــالــــــــــــــــي

جاوبي ع الاسئله متع الاعضاء بعدين انجيبيلك الاسئله متاعتي
تفضلي في اي وقت

مساء الخير

كيف حال كرسي الاعتراف معاك انشالله امريحك بس

وكان مش امريحك انجيبولك غيره

انشالله اتكون اسئلتي خفيفه عليك بس


- هدفك في الحياه ؟؟
- حلم نفسك يتحقق ؟؟
- حلم لكن مستحيل انه يتحقق ؟؟
احسن سنه كانت بالنسبه لك وياريت السبب؟؟؟
- شن الاهم الكرامه ولا الحب وعلاش ؟؟
- الخيانه بانسبه ليكي عباره عن شنو ؟؟

اهلــــــــــــــين باحلي ســـــــــــــــــالــــــــــي

اول حاجة شنجك

اول سؤال شن راسك في هارد مان ؟؟؟ ( جامليني )

شن احلي حاجة تحبها سالي ؟؟؟

افضل قناة تحبها سالي ؟؟؟

شن يعني الحب عند سالي ؟؟؟




تحياتي سامحيني قبل نبي نجيبلك حاجة معاي بس لقيت الفي مسكر

مساء الخير

كيف حال كرسي الاعتراف معاك انشالله امريحك بس
مليييييييييح بكل

وكان مش امريحك انجيبولك غيره
لالالا يهبل

انشالله اتكون اسئلتي خفيفه عليك بس


- هدفك في الحياه ؟؟
اني نكون مصممة ازياء معروفة

- حلم نفسك يتحقق ؟؟
نفس هدفي في الحياة

- حلم لكن مستحيل انه يتحقق ؟؟
اني نسافر علي الفضاء

احسن سنه كانت بالنسبه لك وياريت السبب؟؟؟
لما كنت صغيرة لاني كنت دلوعة عند اهلي

- شن الاهم الكرامه ولا الحب وعلاش ؟؟
الكرامة لان الانسان بلا كرامة مايسوا شي

- الخيانه بانسبه ليكي عباره عن شنو ؟؟
الخيانة شي يقهر ويقتل مانحبها بكل
شكرااااااا علا علي الاسئلة

مرحبا سالي كيف اخبارك مع كرسي الأعتراف
حلووووووووووو

جايبتلك اسئلة وان شاءالله أتكون خفيفة عليك ,,,
تفضلي

ماهو سبب أختيارك للقبك ( سالي ) ؟!!
لانه اسمي الثاني والدلع ولاني نحب رسوم سالي

ايش تحبي تسمعي من الاغاني عربي والأجنبي؟ ولمن من الفنانين تفضلين الاستماع؟
الاثنيين العربي تامر حسني
الاجنبي هانا مونتانا

أكثر قسم تحبي أتخشي عليه في المنتدى ؟
هما قسمين اول قسم علام حواء
الثاني الترفيه

تخيلي لو في لحظة طلعلك المارد السحري وطلب منك تختاري 3 امنيات ؟ شن حتكون أما نيك الثلاثة ؟!!
اول شئ انيب نرجع صغيييييييييرة
الثانية اني نكون مصممة ازياء معروفة
الثالثة اني نساعد كل الناس وكل محتاج
شكرااااااااا دوها علي الاسئلة الحلووووووووووووووة

+
----
-
اهلــــــــــــــين باحلي ســـــــــــــــــالــــــــــي
اهلييييييييييين هارد

اول حاجة شنجك
مية مية

اول سؤال شن راسك في هارد مان ؟؟؟ ( جامليني )
هههههه مانبيش نجامل
هادر مان واحد مجنون ومختش هههههههههههه لالا انبصر
هوا واحد ملييييييييييييح وجوه حلوووووووووو
ويعتبر احسن صديق عندي


شن احلي حاجة تحبها سالي ؟؟؟
انها تحب الصغار

افضل قناة تحبها سالي ؟؟؟
سبيستون و mbc 1234

شن يعني الحب عند سالي ؟؟؟
الحب كل شئ عندها ومستحيل تفرط فييييييييييه

تحياتي سامحيني قبل نبي نجيبلك حاجة معاي بس لقيت الفي مسكر
لالا عادي مش لازم جيتك انت سادة

اهلين بأحلى اعضاء

طبعااا حيتم قفل موضوع كرسي الاعتراف لسالي

فلهذا اي حد يبي يسأل اي سؤال لسالي مادابيه يسأل في اسرع وقت

وياسالي كان ماجاوبتيش علي اي سؤال جاوبي

لان غدوه اخر يوم ليك في الكرسي

حنسكر الموضوع
ونستضيف عضو جديد ان شاء الله