صآحبة الروح الهآدئه( توأمي المجنون )ضيفة كرسي الاعترآف,,

شكراااااا دموووع علي المقدمه الحلوه والاكتر من رائعه

ويارب انكون ضيفه خفيفه عليكم

وحنحاول اني انجاوب بكل شفافيه وبكل صراحه علي كل اسألتكم

الأسم: عــــــــلا مش علاء
العمر: 19
الجنسية: ليبيه اصيله
الجنس: انثى
الطول: 159
الوزن: 55
لون الشعر : قهوي
لون العيون: قهوي
الحالة الاجتماعية :عزباء
الحب في حياتك : ؟؟؟؟؟؟؟؟؟


ولي عودة بأذن الله

واني نستنى فيك دموع في اي وقت

وباقي الاعضاء اكيييييييييد

بسم الله الرحمن الرحيم

ما هي هواياتك ؟
هل تحبين السفر ؟
ما هي المدينة أو البلد المفضل لديك بعد بلدك ؟
ما هي الأماني التي تودين تحقيقها في المستقبل ؟
اذا كنتي في قمة السعادة فمن أول شخص تشاركينه هذه السعادة ؟
ما الشيء الذي ينسيك أحزانك اذا كنتي حزينه ؟

لمــن تهــدي هذه العبــارات من داخل المنتدى وخارجه..
- انت عندي حاجه غيــر..
- اقول ابعد عني وسيبك افترى..
- رووح الله حسيبك..
- انتهينا وخلاص ..
-احلم وانا معك..
الله لايحرمني منــك..
- حياتي كلها ملكك..
- وينك..والله اشتقتلك..
-لاتغيب تراني افتقدك..

يارب اسئلتي تكون خفيغة عليك
ويعطيك العافيه .

اهلا اهلا اهلا اهلا

كيف حالك

شن الجو بالضبط

امورك تمااااااااام


كيف حال الموعد اليوم


كيف حال الى شاغلين بال ريان ؟؟


شن تعشيتوا اليوم ؟؟

وبس

توا نرد ماتخافى ياماما

باى

هلا هلا هلا هلا هلا هلا هلا هلا هلا
والله نووووووووووووووووووووووووووووووووووووووور الكرسى صحيييتو عالاستضافه الحلوه ومنوووره ياعلا مش علاء ههه
المهم انى بنسألك
قداش تحبينى هههههه
راجعتلك بالاسئله لين تفدى

بسم الله الرحمن الرحيم
اهلييين صفو
ما هي هواياتك ؟

الرسم اكتر شي
هل تحبين السفر ؟

اكيييد في حد مايحب السفر الا هنو
ما هي المدينة أو البلد المفضل لديك بعد بلدك ؟

مانعرف بس في المستقبل اكيد فرنسا
ما هي الأماني التي تودين تحقيقها في المستقبل ؟

اني ناخد شهاده في مجال الهندسه المعماريه
اذا كنتي في قمة السعادة فمن أول شخص تشاركينه هذه السعادة ؟

انت ههههههههه
ما الشيء الذي ينسيك أحزانك اذا كنتي حزينه ؟

لما انكلم هنو
لمــن تهــدي هذه العبــارات من داخل المنتدى وخارجه..

- انت عندي حاجه غيــر..هنووووووووووووو

- اقول ابعد عني وسيبك افترى..لا احد

- رووح الله حسيبك..لا احد

- انتهينا وخلاص ..لا احد

-احلم وانا معك..؟؟؟؟
الله لايحرمني منــك..امي

- حياتي كلها ملكك..؟؟؟؟

- وينك..والله اشتقتلك..علي

-لاتغيب تراني افتقدك..علي

يارب اسئلتي تكون خفيغة عليك

تعتبر ساهله
ويعطيك العافيه .

شكرااا صفو نستنى في رجعتك

اهلييين بي علا نورتي كرسي الإعتراف
اهلين بيك sunny

الكرسي امنور بوجودكم
قبل ما نبدا الأسئلة نعطيكي كاس العصير

شكراااااا ع الضيافه تسلمي

نبدأ بالأسئلة :-

من بنظرك

يخلق الأجواء بـ طرحة /ردهـ.......؟
قموره الصراحه

ليس في صدقه مثيل .....؟
توأمي المجنون 2

مواضيعه تعكس رقيه ....؟
كل الاعضاء مواضعهم حلوه مانقدر انحدد عضو معين

واقعي يتعامل بشفافية وسهولة و إنشراح.....؟
ميزو الي عنده ايقوله

~~~~~~~~~~~~~~~
قطار حياتك إلى اين يتجه ؟
لتوا قاعده امقعمزه في الحوش
لا قرايه لا شي
انشالله في شهر 3 ابنبدا نقرا
وممكن العرس قبل مانبدا نقرى
كان ربي سخر
ومتجه لفرنسا

حيوان اتحسي انه مظلوم ؟
الفار

متى يعاندك النسيان ؟
مرات
مش ديما


بعد ما تتناقشي في موضوع مع إصرار منك في البداية علي انك على حق تكتشفي في النهاية انه اللي قدامك علي حق كيف اتكون ردة فعلك.....؟؟!!
اكيد حنقتنع ادا كان كلامه مقنع واني اقتنعت بيه بس لو مااقتنعتش حتى ولو كان هو الصح حنمشي علي رايي لان هدا الي اني مقتنعه بيه
اخر سؤال هو

شنو اول إنطباع خذيتيه عني / بصراااحة ...!!!!!
حسيت انك بنت فرفاشه
وإن شاء الله ما نكون ثقلت عليك~~

اكيييييييييد ماتقلتي عليا

شكراااا علي تواجدك sunny

اهلا اهلا اهلا اهلا
اهلين بيك

كيف حالك
على احسن مايكون

شن الجو بالضبط
تمووووووووووووم

امورك تمااااااااام
الحمد لله


كيف حال الموعد اليوم
ماصار منه اتاجل ليوم التلات


كيف حال الى شاغلين بال ريان ؟؟
حالهم كويس وسنونهم امعش يوجعوا فيهم
شن تعشيتوا اليوم ؟؟
ع الخفيف
احني ماعندنا عليه العشي هلبا
تن وجبنه وحاجات هكي
وبس

سادك

توا نرد ماتخافى ياماما

واني نستنى فيك
باى

سلام

هلا هلا هلا هلا هلا هلا هلا هلا هلا

اهليييييييييييييييين بيييييييييييييييييييك

والله نووووووووووووووووووووووووووووووووووووووور الكرسى صحيييتو عالاستضافه الحلوه ومنوووره ياعلا مش علاء ههه
ههههههههههههههه
منور بوجودكالمهم انى بنسألك
قداش تحبينى هههههه

هدا سؤال المفروض ماتسأليه لكن اني حنجاوبك

قد السما وقد الارض
ههههههههههههههههه
ماتصدقي
راجعتلك بالاسئله لين تفدى

ماتخافيش مش حنفد انتي غر نورينا بأسألتك

هلااااااااااااااااا ياغلاى

راهو السؤال سالته هكى وخلاص وحتى لو ماجاوبتيش عادى غر لانى كنت مستعجله وماجاش فى بالى شى لانى عارفه قداش تكرهينى ههه

كيف حالك؟؟؟

كيف حال على؟؟

قولى كلمه توصفى بيها

توامك:

هديل:

سرور:

افنان:

رحاب:

على:

باهى توااا بننطلقو فى اسئله قنينه

حاجه كنتى تتمنيها فى على ومالقيتيها؟؟

حاجه عاجباتك فى شخصية على وتتمنى ماتتغير فيه؟؟

احم احم بماانك مشتاقه لعلى كل الاسئله بتكون على على...

كلمه ماتحبيش تسمعيها بكل بكل ؟

كلمة تتمنى لو نقولهولك ديما؟؟

امتى اخر مره زعلتك؟؟جاوبى ضرورى

امنيه تتمنى لو تحقق فى اقرب وقت؟

بماان الاسئله العامه عليك كلها نعرفها بنسالك على على لو مافى احراج يعنى ههه

كلمه كل مايتكلم يقولها:

اكلته المفضله:

اعطينا لمحه عن شكله؟

فى بداية الموضوع كاتبين صاحبة الروح الهادئه من قاللهم هالدوه هههههههه؟؟؟؟

وتوا بنمشى واكييييييييييييييد راجعه بس لو اسئلتى مش حلوه اللى مايعجبكش ماتجاوبيش عليه عادى..
سلااام

اهلا اهلا اهلا اهلا اهلا
علوش شنج
نورت الكرسي اني مش انتي ماتفرحيش
ههههه

هنو اسئلتك من الاخيييير بس حرام عليك احرجات الصراحه ههه
اني جيت واسئلتي حتى هيا جت معاي على فكره
اولا :
شن جوك ؟؟
شن جو المنتدى معاك؟؟
تانيا:
قولي كلمه علي الاعضاء الي تحت بس بصراحه بدون مجاملات زايده

حمزاوي باشا:

الاداريه صفو:

المراقبين
شذوذه:
دموع:

سااالي :

بدون مجاملات

سوني

ولدبلاد

بلاكذب

لفطح ولد المقرون

توأمي العاقل 2

علي من اتفوتي فيه
توفيه عضو هكي اسمه
فيه توأمي المجنون 2 مش العاقل2
خلاص بلاش منه
تركت
حاجه تانيه
شن رايك في خبر اليوم متع صفو؟؟ قولي شن رايك فيه بس¤

خلاص تعبت شادك اليوم اشئله هلباا
تشاوو

ويييييييييييييييييييييينك علوش ولا خفتى من الاسئله يلا يلا جاوبى

1-شن يعنيلك اسم توامي المجنون ؟؟
يعنيلي الصداقه

2- الاكله المفضله عندك ؟؟
مكرونه باشميل

3-اسم توامي المجنون .. عندك نيه تغيريه؟؟
مستحييييييييل

4-(5) اعضاء اذكري اسمائهم وتكلمي عنهم في سطرين..((اجباري))؟؟
صفو : اختي الكبيره الي نتمنالها كل خيير
شذاوي : اختي المجنونه نتمنى ربي اينزل عليها العقل شويه
توأمي المجنون 2 : اعز صاحبه عندي وندعي لربي مايفرقني عليها
ميزو : صديقي الوحيد ونتمنى مانخسره مهما كانت الظروف
قموره: علي قولت صفو احسن بنت

5-كيف كان شعورك لما عرفتي انك وقعتي في الكرسي ؟؟
عادي بس فيه شوية خوف انقول مرات ايجيني سؤال مانعرف كيف انجاوب عليه6-صفه تتمني انك تتحلي بيها وصفه تتركيها؟؟
الصبر
نتمنى اني انسيبها الحكم عن الناس

7-امنية حياتك؟؟
اني ناخد شهاده هندسه معماريه8-افضل قسم في المنتدى؟؟
يوميات الاعضاء والنقاشات

9-حكمتك في الحياه؟؟
الصديق وقت الضيق
10-شن رايك فيا؟؟
بنت شخصيتها قويه زي ردودك

هلااااااااااااااااا ياغلاى
اهليييييين بــ ووحي اني

راهو السؤال سالته هكى وخلاص وحتى لو ماجاوبتيش عادى غر لانى كنت مستعجله وماجاش فى بالى شى لانى عارفه قداش تكرهينى ههه

ايه يعني صدقني

كيف حالك؟؟؟
تمام الحمدلله ناقصتني شوفتك

كيف حال على؟؟
كويس ع المسموع ههههههههههههه

قولى كلمه توصفى بيها

توامك:احسن صاحبه في هالدنيا وانشالله ربي مايحرمني منها
هديل:اوووووه هديلي نوصفها بــ مجنونة الكوره
سرور:هيا صاحبه وجدعه لكن في حاجتين دارتهولي ماحبيتهم منها
افنان:اممممممم صديقة الغفله
رحاب:صديقة العمر

على:زوج المستقبل
باهى توااا بننطلقو فى اسئله قنينه
يلا

حاجه كنتى تتمنيها فى على ومالقيتيها؟؟
انه ايدورني اكتر من هكي

حاجه عاجباتك فى شخصية على وتتمنى ماتتغير فيه؟؟
اممممممممم جوه

احم احم بماانك مشتاقه لعلى كل الاسئله بتكون على على...
حتكون احلى اسئله ههههههههههههه
ماتصدقي

كلمه ماتحبيش تسمعيها بكل بكل ؟
لما اتقوليلي امنكده

كلمة تتمنى لو نقولهولك ديما؟؟
ووحي

امتى اخر مره زعلتك؟؟جاوبى ضرورى

مش عارفه مانتدكرش لما نتدكر اكيد حنقول
واني علاش ابنزعل منك




امنيه تتمنى لو تحقق فى اقرب وقت؟
مكالمه من علي

بماان الاسئله العامه عليك كلها نعرفها بنسالك على على لو مافى احراج يعنى ههه
اهلا وسهلا

كلمه كل مايتكلم يقولها:هلبااا اولهم يامهبوله ايقوله اكتر من مره طول المكالمه وهوا يامهبوله يا مهبوله
اكلته المفضله:الرز
اعطينا لمحه عن شكله؟
مصحك شن بديري بيه
طويل
شعره اسود
عيونه عسلي
بشرته فاتحه
ياسرك
فى بداية الموضوع كاتبين صاحبة الروح الهادئه من قاللهم هالدوه هههههههه؟؟؟؟
والله هما هكي حاسيين
انت شن دخلك
وتوا بنمشى واكييييييييييييييد راجعه بس لو اسئلتى مش حلوه اللى مايعجبكش ماتجاوبيش عليه عادى..
سلااام

واني نستنى في طلتك الحلوه

بااااي

اهلا اهلا اهلا اهلا اهلا
علوش شنج

اهلييييين شذاوي
نورت الكرسي اني مش انتي ماتفرحيش
ههههه
هههههههههههههه
مصحك اكيدهنو اسئلتك من الاخيييير بس حرام عليك احرجات الصراحه ههه

ايه شوفتيها حاله
اني جيت واسئلتي حتى هيا جت معاي على فكره

اولا :
شن جوك ؟؟
الحمد لله في نعمه
شن جو المنتدى معاك؟؟
تمااااااام على افضل مايكون
تانيا:
قولي كلمه علي الاعضاء الي تحت بس بصراحه بدون مجاملات زايده

حمزاوي باشا:احسن صديق
الاداريه صفو:احسن اخت
المراقبين
شذوذه:والله شن هالتقه اجنن وحده في الحوش

دموع:ردودها قويه
سااالي :بنت صغيره والباين ان عقلها كبير
بدون مجاملات

سوني: بنوته فرفاشه

ولدبلاد: الباين انه شاب رياضي
بلاكذب

لفطح ولد المقرون: اسمه غريب شويه

توأمي العاقل 2 احسن صاحبه في هالدنيا

علي من اتفوتي فيه

عليك
توفيه عضو هكي اسمه
فيه توأمي المجنون 2 مش العاقل2
خلاص بلاش منه
تركت
حاجه تانيه
شن رايك في خبر اليوم متع صفو؟؟ قولي شن رايك فيه بس¤
والله مليح بس لو يسمع شخص مش عارف شن ايصيرلهخلاص تعبت شادك اليوم اشئله هلباا
تشاوو
ايه والله فكيني منك
بري روحه بلا رجعه

اهليييين برجعتك

السؤال الأول ,,/~
المنزل

اوكي يلا


أختآر ي الإجآبه الصحيحه =)



/1ترتيبك بعآيلتكم ,,((الكبيرهـ _الوسطي_ الصغير هـ))

2/من هو اقرب واحد لك من عآيلتك ,,((أخوكـ _أبوكـ_ أمكـ _أختك))

3/ وش تزين وانت قآعد فآضي بالبيت ,,((تآكل_تنآظر التلفزيون_تلعب بلآي ستيشن _ عالنت_ تنآم ))




4/ وانت جوعآن وش تحب تآكل ,,(( مآلح_ حلآ _أي شي بس اهم شي تعبي الكرشه))

5/ وش تحب تشرب في البيت ,,((ببسي وطقته_عصير_قهوه وشآي))

6/ وانت تنآظر التلفزيون وش تحب تشوف ,,((مسلسل_ فلم_برنآمج _أغآني))




8/وشو الوقت اللي تحب تنآم فيه اكثر شي ,,((الليـل_بعد الغدآ عالعصر_مآتفرق معك دآيم ودك تنآم))









:




السؤآل الثاني:


الحيآة..~


يلااا الحياة الحياة



أجيبي على الأسئله التآليه ,,/~
انشالله



1/ حكمه تؤمن بهآ؟
الصديق وقت الضيق
2/ لون تحبه مره ؟
القهوي

3/دوله تقطر سعابيلك ودك تروح لها ؟
البندقيه :: فينيسيا::

4/وظيفة تتمنى انك تتوظفي فيهآ ؟
طيار ههههههه

5/ موقف مآتحب تشوفه قدآمك ؟
ان حد يبكي قدامي

6/صفه تكرهه ومآتحب تكون بأي انسآن تربطك فيه علآقه ؟
النـــــــــــــــكد

7/رسآله على الجوال منتب قآدر تنسآهآ,,قل وشي ؟
ياعزيز علينا دليل خاطري شورك ومارديته الله ايسامحك هدا هنو بعتتهالي واني مافهمتهاش صارت عليها قضيه

8/مكآن يعجبك كثير وتحب تروح له دآيم ؟
مافي شي محدد
9/منهو الصديق الاقرب لكـ (اسمه وسيره ذآتيه عنه)وقل ليش تحبه؟

اكيد هنو معروفه في المنتدى بــ توأمي المجنون 2 انحس فيها اقرب شخص ليا مرات اكتر حتى من خواتي

10/ وشو الطلب اللي مت وانت تطلبه من اهلك ومحد معطيك وجه ؟؟

هههههههههههه اني نمشي لاي صاحبه من صاحباتي


السؤآل الثالث:


اهلا وسهلا



أيآم الدرآسه..~

احلى ايام


أشرح مآ يأتي,,/~


1/مدرسه منتب قآدرهـ تنسآه ابد منهو ؟
اكيييد النجم الساطع

2/موآد درآسيه تحبها؟
الرسم الهندسي ماده انموت فيها

3/مواد دراسية تكرها؟
الانجليزي اكييييد

4/ وين كنت قآعد بفصلك سواء اذا كنت تدرس الحين ولا من قبل؟
في المقعد التاني لكن العام الي فات

5/وش اكثر مرحله دراسيه تحبه مره ؟
التانوي

6/ وشو هو اشين عقآب صآر لك وانت تدرس ؟وفي أي مرحله؟
العام الي فات في الحاسوب هوا ماكتبتش الواجب الابله خديت الكتاب من بداية الباب الى وين ماوصلنا وقالي اكتبيه علي عدد الصفحات
ولو لقيت كلمه تاقصه حتعاودي بالضعف والله حتى الرقم امتع الصفحه كتبته/7

عمرك اخذت شهآدة تقدير او تكرمتي بالطابور؟
لأسف

8/ موقف محرج صارلك بالمدرسه ؟
في سنه تانيه تانوي كان عندنا امتحان رسم هندسي بعد ماطلعنا من الامتحان امجاوبين شوي مدرس الماده نادى عليا شوي صاحباتي جو معاي يحسابوه يبينا نتناقشوا في الاسئله واحني قعدنا نسألوا فيه وهكي ع الاسئله وهو مايبي ايناقش غر لما جو البنات اضطر انه ايناقشها معانا
وبعد ماكملنا ابنطلعوا للساحه ضبح عليا من جديد وهما زي العبيطات رجعوا معاي
وبعدين فهموا انه يبيني اني بس
ومش لازم طبعا تعرفوا شن قال

9/ سنه كنت فآشل فيهآ درآسيا ؟؟
تالته اعدادي

10/ سنه كنت جيد فيهآ ؟؟
تالته تانوي


11/ اذا انتي متخرجه من الثآنوي كم كآنت نسبتك وأدبي ولآعلمي؟؟وإذا مو متخرجه انتي ادبي ولا علمي ؟؟

علاش الفضايح حرام عليك 73.8% وكنت علمي :: هندسيه::




:




السؤآل الرآبع:


المنتدى..



احلى شي




آكمل الفرآغآت التآليهـ بالعضو المنآسب..





1/ عضو رهيـــب وخفيف دم ..you.........




2/عضو مآودك يغيب ابد ...توأمي المجنون2..........



3/عضو تحس لو غآب يهجد المنتدى...مافهمتش.......


4/ عضو تحسه مميز بموآضيعه ......قموره.........


5/ عضو يثير اهتمامك ......دوها...........

6/ عضو تعرفه خارج المنتدى ....صفو..شذاوي..توأمي المجنون.2.3.............


7/عضو كآن نشيط وتحس انه صآر ماله خلق ....دموووع.............



8/ عضو ودكـ تدق حنك معه وتشرب شاي وتاكل فصفص....sunny....


9/عضو تعرفت عليه عن طريق المنتدى .....مافيه حد.............



11/عضو تحسه خآرج عن النص دآيم.......؟؟؟؟؟............


.,’





سامحينى على الاخطاء الاملائيــه

لا ولو

لانه مسروووووق من منتدى اخرى هههههههه


ولا يهمك
رحم الله امرئ عرف قدر نفسه
باهي عارف روحك

يسلمووووووو ميزووووو

ويييييييييييييييييييييينك علوش ولا خفتى من الاسئله يلا يلا جاوبى

لالا ماتخافي هاني جيت
والاجابه والله بكل صراحه

مصح وجهك
علاش روحه بلا رجعه
تي باهي باهي
حرام عليك
المهم معش بنسألك اني
سؤال واحد بس
تو اني مجنونه ؟
بصراحه اختي الكريمه

ههههههههههههههه

ليش تحرجى فيها شذى حرام عليك

بدون سلام هههههه

فى سؤال خارج الحسبة

وهو

شن رايك فى تسميتى ميزووووو .. حلو والا نغيره


وتوا ابدأى

مصح وجهك
مقبوله منك

علاش روحه بلا رجعه
هكي اني مانبيكش تسأليني شن هوا بالسيف

تي باهي باهي
حرام عليك
المهم معش بنسألك اني
لا شذاوي شن امعش تسأليني مرحبتين بيك في اي وقت

سؤال واحد بس
تو اني مجنونه ؟
اكـــــــــــــــــــــــــــيد
بدون نقاش

بصراحه اختي الكريمه
اكيد حنجاوب بصراحه من غير ماتوصي

نستنى في رعجتك ماتنسي

ههههههههههههههه


ليش تحرجى فيها شذى حرام عليك

لا ماتخاف عليا متعوده عليها هادي طبيعتها

بدون سلام هههههه
مش لازم

فى سؤال خارج الحسبة
عادي ادلل

وهو

شن رايك فى تسميتى ميزووووو .. حلو والا نغيره
الصراحه
اني مانحب ولد ايدلوعوه بأسمه من غير مجامله

وتوا ابدأى

يلااااا

1 - ماهو شعورك وانت على كرسي الاعتراف ...؟

عادي بس انحس في بعض الاهتمام


2 - كل انسان لابد وان يمر بعدد من المواقف منها الطريف والمؤلم وغيرها اذكرلنا
ايه اكييييييد

بعد اذنك يعني (موقف طريف - وموقف مؤلم - وموقف محرج )؟؟

اكيد ادنك معك

موقف طريف:العام الي فات صاحبتي تلفونها انخنب
شوي قلنا خلي انديرو عليها الجو
قنالها ان رقمك كلمنا وقالنا الصور الي في التلفون حنحطهم ع الفيس
وفيه صوره عجبتني بنعلقها في داري
والله درنا فيه البهادل ياناري
والبنت ماصار فيها خيير
داخت
وعطوها شكلاته وامشينا ضبحنا علي هناء لان مش معانا في الفصل
وبعدين لما زادت حالة البنت سوء
امشيتلها وقتلها بصاره
مابتش اتصدق المهم اقنعناها ان الدوه بصاره
وبعدين امشينا لباقي البنات قنالهم لا لا مش كدبه غر نبوها تهدى بس
والدوه الي صارت كلها صح وطبعا هما زي العبيطات صدقو من جديد
بدوا كيف انديرو وصور البنت واشبح شني
والله الموقف هدا عمري ماراح ننساها
هوا مش زي لما نحكيه
زي لما انت اتعيشه
والله حاله
موقف مؤلم:لما جوني صاحباتي في الحوش وقريب ايروحوا انقلبت مره وحده منها حسيت ان الايام الي مع بعض حتكون معدوده
وانشالله لا

موقف محرج:بوي ضبح عليا يوم الفضانيه قالي الجزائر امتا ابيلعبوا
استغربت اني

3 - كيف تشوف منتدى المدينة البيضاء ؟؟ بكل صراحه وبدون مجاملات يعني نبي عيوووب؟وهل تحبى يتغير الاسم ؟
من غير مجاملات
ماعندنا اعضاء معدودين الي ايخشوا ويشاركو
والاطار انحس فيه امولع كان اتغيره ايكون افضل
وبالنسبه للاسم اتحسه مرتبط باهل البيضاء بس
ممكن لو يتغير ايكون احسن
بس هو حلووو


4 - حكمتك المفضله ؟ وشاعرك المفضل ؟ فنانك المفضل ؟

لا تنهى عن خلق وتأتي بمتله عار عليك ان فعلت عظيما

مانحب الشعر

ماعندي بس يعجب فيا تامر حسني

5 - ما ذا تعني لك الكلمات الاتيه :-
الزواج 000 جاي في الطريق

الصداقه000 اهم شي في هالدنيا

الاخوه 000 حاجه مانقدر نستغنى عليها

الاعضاء 000 اصدقاء النت

الامانه 000 احلى صفه

المنتدى 000 امضيعلي وقتي ههههههههههههههههه

الحب 000 ماجربته

البحر 000 احلى مكان اتفضي فيه خاطرك

الليل 000 وقت النوم

القمر 000 احلى شي في السمي

6 -لمن تعطي هذه المسميات :
القلم الذهبي000 قموره لان مواضيعها مميزه

شهاده تقدير 000 لصفو ع النشاط

ورده حمراء 000 لعلي لانه زوج المستقبل

ورده بيضاء 000 هنو لانها متل للصداقه والله بجد نتكلم
مع ذكر الاسباب؟

وذكرنا الاسباب 7


- ماهي الفائدة التى حصلتى عليها من جلوسك امام شاشة الكمبيوتر على الأنترنت ؟
هلبااا
بس ع الاغلب تسليه وتضييع وقت


8 - ما هي الاشياء التي ندمتى عليها في حياتك؟؟
يوم امتحان الدينامنيكا ماقريت كويس


9 - افضل قسم تتواجد به ..~ ..؟
يوميات الاعضاء

10 - ما الذي يشجعك..~ على الاستمرار في المنتدى .؟
ممكن لاني من اول الاعضاء الي شاركو فيه
ومن الصعب انك تتخلى عليه مهما كانت الاسباب
وخاصة ان مديره من اعز الاصدقاء

11- من هو العضو المثقف .. في نظرك ..؟
دموووووع


12- من هو العضو المميز .. في نظرك ..؟
شذاوي


13- من هو المشرف المميز . . في نظرك ؟
مانعرف

14- من هي المشرفه المميزه ,, في نظرك ..؟
SUNNY

15- ما الفرق بين العقل والقلب من ناحية الحب ..؟
الي يبي ايحب يمشي علي شن ايقولهوله قلبه
بس لو استخدم عقله اكييد حيتعب وحيلقى روحه امداير هلبااا حاجات هو مش راضي عليها
فلهدا الي يبي ايحب
يستخدم قلبه ..
16-ما هي اغلى أمنياتك التي تسعى لتحقيقها في الحياة ؟
اني ناخد شهاده في مجال الهندسه المعماريه


17- ماذا يعني اسم (توأمى المجنون ) و ما هو سر تسميتك لهذا الإسم ؟
يعنيلي الصداقه

انت
ههههههههههه


18- ما هي اللعبة الرياضية المفضلة لديك ؟
التنس

19- ماهي خططك في المستقبل ؟
اقرب شي ممكن الزواج وبعدها سفر وبعدها القرايه


20- ماهي الحاجة التي تتمنيها؟
فيه ناس حابه انهم ايدوروني اكتر من هكي بهلبااا

21- أغلى إنسان في حياتك ؟
هلبااااااااااااا
واولهم امي

22-اين تذهبى كل اجازة؟
امقعمزه في الحوش
وكان قررنا نطلعوا نمشو لمزده

23_ هل تؤيد الأكل الخارجي يعني الوجبات السريعهـ او الوجبات اللي تقمون بها في البيت؟

عادي لو كنا مضطرين


24- احلى اكلهـ عندك..؟؟

مكرونه بشاميل25

- ماهو برنامج ( علوش ) اليومي ؟
نوض الصبح مع الساعه 10
اندير حاجه في الحوش
نفطر كان خاطري
انقعمز ع النت
مرات نرقد
انقعمز نتفرج علي الTV
وبس
يعني برنامجي ممل لابعد الحدود

26_ هل علووش حاليا مرتبطه بخطوبه او علاقه حب ؟ ان كان فى هل هو من المنتدى او خارجه ؟
اني مخطوبه
لا من خارج المنتدى

27_ هل ذكرت علووش لاى شخص واعترفت له بحبها اتجاهه؟
لا مازال مو وقتها توا

28_ هل انتى طيبه ام شريره ها ها ها ؟
لا مش شريره ومش طيبه هلباااا
عاديه جداااا


29_ يا ريت اتقولى رئيك وبكل وضح فى شخصيه ( ميــزو ) بدون اى مجاملات ؟
بالنسبه ليا هو صديق عزيز وغالي
صادق
يرضى ع السريع
جرئ
صريح

30- مـــاهــي مقولتك النـــهــائية فـــي هذا التحقيق ؟

الاسئله دسمه شوي

هذين اسئله ع السريع
ها ها ها

هادو ع السريع

واكيد لى عوده قريبه جداااااا

اني نستنى فيك


هيا نبى انجى بعد ساعه نلقاك امجاوبه كل الاسئله
انشالله قاعده ماتمت الساعه
بس اني هدا وين فضيت

باااااى

سلامااااااات

برضواااااااااااا علوش ماجاوبتى الاجابة الى خاطرى فيها على السؤال

يعنى انتى نفس تفكيرى انى نغير اسم ميـــزو ؟؟؟؟

تقدر اتقول حاجه هكي
غيره احسن
دير اسم يبين شخصيتك
احسن من ميزو

هالووووو
شن الحال
اليوم ملى نوضتى شن درتى؟؟
ومن نوضتى معاك؟؟
شن صار امس فى العياده ان شاء الله الامور تموم؟؟
شن جو
شدو
صفو

اخر مره بكيتى؟؟؟

توا سؤال عالسريع
نقولك حاجه وقولى بمن تفكرك
البحر

الشكلاطه

استاذ رزوقه

المقصف

الشعر الليبى

ريال مديريد

العكب العالى

النظارات الطبيه

عبايه مشت فيها فى حصه من الحصص

الباربكيو

هههههههههه انى الحاجات هاذى كلها تفكر بيا بناس خل بنشوف انتى بمنو تفكر فيك..
سلاااام ولنا رجعه

هناااااااااء بس هى الى تطلع الفضاييييييييييح هههههههههههه

ايوة هنوووووووو زيدى زيدى نبوا الفضايح ايام الثانوووية

هالووووو
اهليييين

شن الحال
تمامالحمد لله

اليوم ملى نوضتى شن درتى؟؟
اتصلت بشخص

ومن نوضتى معاك؟؟
حضرتك

شن صار امس فى العياده ان شاء الله الامور تموم؟؟

تمام زي قبل دارلي تجديد يعني كالعاده
بس صفو دارت تنظيف وغدوه عنداها موعد

شن جو
شدو
صفو


كويسين ايسلمو عليك


اخر مره بكيتى؟؟؟

من شهر ممكن

توا سؤال عالسريع
نقولك حاجه وقولى بمن تفكرك

اوكي

البحر: بيك انت

الشكلاطه:مش عارفه حتى هيا بيك لان ماعندك روح مع الشكلاته

استاذ رزوقه: اكييييد بأفنان

المقصف: لما طحت قدامه هههههههههههههههههههه

الشعر الليبى: علي

ريال مديريد: هدوله

العكب العالى:رحاب وانت وهديل

النظارات الطبيه: خلود لما لبست نضارات هديل تيع الصف الاول

عبايه مشت فيها فى حصه من الحصص: اكيييييد خلود ههههههههههه

الباربكيو: التشبسي

هههههههههه انى الحاجات هاذى كلها تفكر بيا بناس خل بنشوف انتى بمنو تفكر فيك..
سلاااام ولنا رجعه

انشالله متطابقين بس


واني في انتظارك

هناااااااااء بس هى الى تطلع الفضاييييييييييح هههههههههههه

ايه والله صدقت الله يسترنا من الي جاي

ايوة هنوووووووو زيدى زيدى نبوا الفضايح ايام الثانوووية

اوك يلا هنو نستنى فيك

اييييييييه صح متطابه 10000%
ولا يهمك مديرنا وراها واها والزمن طويل

علووووش
شنو اخر رسمه رسمتيها؟؟؟
لما تسافرى قداش بتكلمينى مره فى اليوم هههه؟؟
اكتر اسم لادم تحبيه؟
علوش لمن تقولى
انت عندى شى غير:
فقدتك يااعز الناس:
والله مايسوى اعيش الدنيا دونك:
ذكريات كذابه:
واحشنى بجد:
وينك وينك وينك:
حقك عليا:
احترت اعبر عن شعورى من غلاك
بصبر على فرقاكم:
طحت من عينى:
الله يسامحك:
الله يقدرنى على نسيانك:


رااااجعتلك ياحلو

اهلين بأحلي وحدة قعمزت علي هالكرسي

أني بنسألك سؤال مانبيش انطول عليك زي هلبه ناس

سؤالي شن أكتر حاجة تحبيها في صفو
وأكتر حاجة تكرهيها في صفو

واكيد في حاجة خاطرك تقوليهالي ومش قادرة تقوليها ياريت توا تصرحي بيها

ياريت اجابتك تكون في قمة الصراحة


نستنى في اجاباتك

اهلييين برجعتك

شورى ديما بلا سلام

فصيله دمك ؟

+o

اكثر شي تخاف منه ؟

فراق الاصدقاء

اكثر شي تحبه؟

لمة العيله


اكثر اكله بتحبها؟

مكرونه باشميل

شي بتعمله يوميا؟

انقعمز ع النت

وزنك ؟

55

كم ساعه تنام تقريبا في اليوووم؟

بلا حساب امتا ماينعسني النوم نرقد

لمن تكووون مضايق ومهموووم مين يجي ببالك ؟؟ تروح لميين ؟؟

للسرير وكان خاطري انفضفض لهنو او ريان

مدينه مهجوره لا حياة فيها يغمرها السكون لو عرض عليك العيش


فيها هل تقبل؟؟؟!!

لالالالالا ... الجنه من غير ناس ماتنداس





تذكرة سفر مجانية من عزيز .. أي بقاع الدنيا تختار ؟

البندقيه :فينيسيا

مانتأخرررر ... شوى وتوا نرد

واني نستنى فيك

اهلين بأحلي وحدة قعمزت علي هالكرسي

يسلمو هدا من دوقك

أني بنسألك سؤال مانبيش انطول عليك زي هلبه ناس

باهي في واحد حس بيا

سؤالي شن أكتر حاجة تحبيها في صفو

امممممممممممم
صفو جوها حلو انحب نسمع لهدرزتها
وبالنسبه لشكلك احلى حاجه فيك ابتسامتك

وأكتر حاجة تكرهيها في صفو

ونكره في صفو نقانها الزايد بصراحد اتنق هلباا
وتعطي في الحاجه اكبر من حجمها مرات
ومرات حاجات مهمه ماتعدليش عليها وماتعطيها اهميه
هيا عصبيه زياده


واكيد في حاجة خاطرك تقوليهالي ومش قادرة تقوليها ياريت توا تصرحي بيها


ايه اني نوصيك ان تعطي لكل حاجه حجمها الطبيعي
واتقللي من العصبيه الزايده
وننصحك انك تتعامل بالسياسه احسن من العصبيه


ياريت اجابتك تكون في قمة الصراحة

اكييييييد اجابتي بكل صراحه


نستنى في اجاباتك

هادي اجابتي وقوليلي شن رايك

ههههههههههههههه

شذى كنت توصلى 40 سؤال
ماعندك حق صراحة ههههههههههههههههه

هاااااااااااي علا

اهلييين شذاوي

والله اني قبل مانبيش نسأل لكن انتي تبي شن بندير

تفضلي ياحلوه


جاوبي **
باهي باهي

.. نبـــدآ بـالآسئلـــة الآن ..

1-اسمك المستعار ؟

توأمي المجنون

2-سبب اختيارك لهذاالاسم ؟

ميزو

3-الهوايات ؟
انحب الرسم اكتر شي

4-افضل شهـر بالسنه والسبب ؟
شهر 9 لان فيه عيد ميلادي

5-حلمك في الحياة؟
اني نتحصل علي شهاده في الهندسه المعماريه ونتمنى انه يتحقق

6-أجمل سنوات مرت عليك؟

سنوات التانوي

7-البرامج المفضلة؟


8-شخصيتك ( عصبي ، رومانسي ، ....... )؟

9-اجمل بلد زرتها ؟
هههههه مازرت ولا بلد

10-ماهو لونك المفضل ؟
القهوي

11-من هو مثلك الاعلى ؟

في التقافه : امي

في الخدمه والشغل : خوي12-ماهي حكمتك بالحياة ؟
الصديق وقت الضيق

13-ماالذي يحزنك ؟
لما حد يزعل مني

14-ماالذي يغيظك ؟

الا مبلاء

15-ماالذي يفرحك ؟

النجاح

16-افضل شخصيه في رأيك ؟
صفو

17-فنانك ومطربك المفضله؟
مافي حد محدد بس تامر حسني يعتبر المفضل حاليا

18-لو خيروك تكون مشرف أي قسم تختار ؟
ولا قسم لانها مسؤوليه

19-من هم الأعضاء اللي تود مصادقتهم ؟
ودوهاsunny

20-من هم الأعضاء اللي تتمنى تشوفهم؟
sunny ودوها

21-من العضو اللي تحب يضيفك لقائمة الأصدقاء ؟
مافي حد معين

22-رأيك بـ الصداقـه بيـن الجنسيـن؟

عادي وحلوه الصداقه هادي

23-عضو عاجبتك صورته الشخصيه وتوقيعه ؟
الصوره الرمزيه: sunny
التوقيع: صفو لانه الميلان بس

24-عضو نشيط... ؟
صفو

25-عضو مفقود... ؟
توأمي المجنون 3

26-عضو واثق من نفسه ... ؟
توأمي المجنون 2

27-عضو داخل مزاجك ... ؟
sunny

28-عضو تتمنى تلقتي به ... ؟
sunny

29-عضو مثقف ... ؟
دموووع

30-عضو نفسك تغير اسمه ... ؟
لفطح ولد المقرون لاني مافهمت معنى اسمه

31-عضو نفسك تكفخه هههه ... ؟
انت "شذاوي"

32-عضو نفسك تقول له ( برافو عليك ) ... ؟
ميزو

33- عضو تبي تهديه بيت شعر ايش هو بيت الشعر ؟
مانحفظش شعر

34-ماهو رأيك بالحب ؟
ماعندي فيه راي
انحس فيه يجرح القلوب ويسكد

35- صــف نفســـك بكلمتيـــن فقـــط..!
عصبيه
وهاديه36
-مــاهــو الشــئ الذي ندمــت علــي عمـلــــه؟!


ااااخ منكم مافي حد حاس بيا من غير صفو سؤال وخلاص

ههههههههههههههه

شذى كنت توصلى 40 سؤال

حاله شن بديرلها

ماعندك حق صراحة ههههههههههههههههه

مكتوب عليا اتألم ولا اتكلم

سوري والله هنو ماشفتها سوري بجديات اني اسفه

اييييييييه صح متطابه 10000%

باهي الحمدلله

ولا يهمك مديرنا وراها واها والزمن طويل
شن ابتتفقو عليا

علووووش
نعم
شنو اخر رسمه رسمتيها؟؟؟
رسمة الريال الي حاطتها ع الايميل

لما تسافرى قداش بتكلمينى مره فى اليوم هههه؟؟

انت قداش تبي مره
كان كلمتك مره مازيك حد


اكتر اسم لادم تحبيه؟

بصراحه اسم خوي صائب لانه غريب شوي
علوش لمن تقولى
انت عندى شى غير: انت اكييييد

افقدتك يااعز الناس:صائب خوي لما ايسافر

والله مايسوى اعيش الدنيا دونك:امي

ذكريات كذابه:دكريات الاعدادي

واحشنى بجد:قروبنا الغالي

وينك وينك وينك:علي

حقك عليا:انت والله الاسئله ماشفتها مش عارفه كيف فاتتني

احترت اعبر عن شعورى من غلاك:والله ياهنو كان انقولك انت خر وحده تعرفت عليها في القروب صح
وانت اغلى وحده فيهم والله بجد ومهما انقول مش حنوفي

بصبر على فرقاكم:صاحباتي

طحت من عينى:واحد ماتوقعته هكي مع انه من اقرب الناس ليا بس انتو ماتعرفوه يعني زي قلت اسمه زي لا فلهذا مش ضروري منه

الله يسامحك:وحده نعرفها في الاعدادي دارتلي مشكله وتوكلت

الله يقدرنى على نسيانك:نفس البنت


رااااجعتلك ياحلو

واني في انتظار رجعتك يا ووحي

مرحبا توأمي

كيفك مع كرسي الأعتراف

يلاا مانطول عليك نسال كم سؤال وان شاءالله يكونوا ساهلين وخلي الصعب يعدين


1\ لا يصل الناس إلى حديقة النجاح دون أن يمروا بمحطات التعب
والفشل واليأس، وصاحب الإرادة القوية لا يطيل الوقوف في هذه المحطات ,
- فـهل جربت الفشل ...وهل استطعت تجاوزه ؟

2\ كل يوم نستفيد ونتعلم من حياتنا امور كثيره 00 ماهو أكثر شي تعلمته وأفادك في حياتك ؟!




3\ حلم تسعى لتحقيقه ؟


4\ في آي قرار تتخذينه .. تحكم عقلك آم قلبـك فيه .؟ ومن الاسبق فـآ التحكيم قلبك آم عقلك .؟!!

1-عندما تشعر بالملل فـ إلى أي اتجاه تتجه...؟
0
0
2- لــــــــو كانت حـــياتك قصــــة ماذا تريد أن تسميــــــــها...؟
0
0
3- هــــــل أنت سيـــــــــدة أعصــــــــابك...؟؟؟


4 / من هو او هي اعز شخص على قلبك؟؟

5 / هل جربتي ان تكرهي؟؟

6/ هل تستحق الدنيا ان تحرقي اعصابك؟؟

7 / وانتي في قمة السعاده مين الي يخطر على بالك ؟؟

باكيد ليا رجعة

سلاام

شكرا علو علي صراحتك
بأجابتك علي سؤالي

نجحتي في الأمتحان
ههههه

خيراااااااااااااااااااااات
جوك تمووووووووم .. كيف حالكم كلكمممممممممممم كلكم وطبعا اولكم المعصيين كيف حالهم


يلا بدون مقدمات


1 -***ماذا فعلت قبل ساعة من الان***

2-***أطول مدة تبقين فيها امام الكمبويتر***

3-***احلى صفة لديك***

4-***اقصر مهمة يومية تقومين بها***

5-***كلمة تحبين ان تسمعيها كل صباح***

6-***كلمة تكرهين ان تسمعيها ف اي وقت***

7-***هل تجاملين***

8-***عيب شخصي تعترفني به***

9-***كيف تعبرين عن غضبك***

10***كيف تعبرين عن فرحك***

11-***هل انت صريحة ام كتومة***

11-***احب زواية اليك في البيت***

12-***كيف تعبرين عن رفضك***

13-***اغلى ماتملكين***

14-***لحظة ابكتك***

15-***ذكرى لاتنسينها***

16-***كم مرة تاكلين في اليوم***


17***كلمة عن الاصدقاء القدامى***>> ذكرى ما نسيتيها لتو

18***كم مرة تبدلين مظهرك في اليوم***

19***شي تحرصين على حمله معك في كل مكان***

20***شريط او سي دي يتعيدين سماعها***

21***شي لايمكنك ان تصادقيه***

22***عبارة او حكمة تعجبك***

23***اخرلحظة انزعجت بها***

24***اخر لحظة فرحت بها***

25*** شي فعلتية و ندمتي***

توصينى بحاجة اخرى .. سؤال من السوق والا حاجة .. ماعندك مشكلة ابداااااا

ماشالله علي الاسئله غر عليا اني

هي جاوبي ياعلا

تو انجيك غدوه

نورتي ياهادئة ههههههههه
المهم اني عندي شوية اسئلة وان شالله تعجبك
وتكون واعرة قصدي ساهلة هههههههههههه
المهم
:كلمة تزعلك وكلمة تفرحك ؟
كلمة تحبي تسنعها كل صبح ؟
شن تتمني في اللحظة هادي ؟
انتي طموحة ؟
واخر سؤال
شن رايك في سالي ؟
سلااااااااااااااااام