ضيف كرسي الاعتراف الغالي hard man

منورة علي المقدمة الغير عادية
الاسم:
الحسين فتحي
العمر:
ماليش 3 ايام خاش عللي 17 ماحد قالي كل عام وانت بخير
الجنسيه:
ليبي ولي الفخر
المؤهل العلمي:
الأن في ثالثة ثانوي علوم حياة ( طبية ) ×_×
الطول:
160

الوزن:
55 كيلو خفيف صح

تكلم في سطوور عنك..
الحسين او هارد مان نبدا بسلبياتي عصبي وغيور وبصدق انحب نفسي واجد واللي يحبني انحبه ×_-
عندي ملايين الهوايات اهمها التعليق والتقديم الرياضي وابرزها مصور من الطراز الجيـــد




ليا رجعه
ادللي ياشذاوي

ها وين الشباب
اللي يسال سؤال واعر ياويله ياسواد ليله

نورت الكرسي HARD MAN

سبب اختيارك لاسمك ؟
اوصف معني الحب ؟
الفرق بين HARD MAN وحسين ؟
مين اكثر شخص غالي علي قلبك ؟
شخص مستحيل ترفضله طلب ؟
عضو \ة غالي علي قلبك ؟
ليا رجعة يامجنون

حي نسيت الضيافة
تفضل




g][/img]

نورت الكرسي HARD MAN
انتي نورتيني يابيسو
سبب اختيارك لاسمك ؟
دلالة علي اني صعب المراس
اوصف معني الحب ؟
هو شي ليس له معني حقيقي ولكنه موجود
الفرق بين HARD MAN وحسين ؟
هارد مان اجتماعي جدا _ الحسين مايصاحبش اي واحد وعندي تحفظات واجد
مين اكثر شخص غالي علي قلبك ؟
الوالد
شخص مستحيل ترفضله طلب ؟
الوالد
عضو \ة غالي علي قلبك ؟
انتي طبعا... وميزو العبيط واندور فيه نبي نحطه علي البوكا ×_×
ليا رجعة يامجنون
اوك ياعاقلة و

حي نسيت الضيافة
تفضل
جت في وقتها بعدها نشف ريقي

مرحبا بيك
نورت كرسي الإعتراف
جايبتلك اسئلة وياريتها مش ساهلة هههههههه


1/ أمنيه تمنيتها في حياتك تحققت أم لا وماهي ؟

2/هل توجد شخصيه في حياتك تمنيت انك عرفتها منذ بداية حياتك ومن هي؟

3/إنسان له مكانه في قلبك ولن تستطيع ان تبوح له! من هو ؟ وماذا تقول له؟

4/كلمه ( مانقدر نوفيك حقك ) من يستحقها ؟ ولماذا ؟

سلاااااام و إن شاء الله تكون اسئلة واااااااعرة

مرحبا بيك
نورت كرسي الإعتراف
جايبتلك اسئلة وياريتها مش ساهلة هههههههه
شكلها واعرة


1/ أمنيه تمنيتها في حياتك تحققت أم لا وماهي ؟
انني ننشهر والحمدلله تحققت
انشهر في مجال التقديم الرياضي ×_×

2/هل توجد شخصيه في حياتك تمنيت انك عرفتها منذ بداية حياتك ومن هي؟
الاعلامي الرياضي محمد بالراس علي

3/إنسان له مكانه في قلبك ولن تستطيع ان تبوح له! من هو ؟ وماذا تقول له؟
*_* لاتعليق لانه من رواد المنتدي ويــو

4/كلمه ( مانقدر نوفيك حقك ) من يستحقها ؟ ولماذا ؟
الوالد -- ييييه تبيله موضوع بروحه

سلاااااام و إن شاء الله تكون اسئلة واااااااعرة

تقريبا واعرة

مساء الخير hard man
انشالله مرتاح ع الكرسي الطريق طويله مازال قاعدين في البدايه

وباسمي وباسم اعضاء المنتدى انقدملك اعتدار والله ماعندنا علم بعيد ميلادك
ووعد مني احلى موضوع لــ hard man
وانشالله كل عام وانت بخييير

وينعاد عليك بالصحه انشالله

اووك نرجع لموضوعنا الاسئله انشالله اتكون اسئله خفيفه ومش واعره زي الي قبلي ههههههههههه

من هو آخر شخص :

طـــلعت معـــــه؟

كلــــمتـــه بالتلــــليـــفون؟

قالـــــك ,,,,أحـــبك,,,,وكان صادق فيها؟

جـــــرحــــــــــــك؟

شفتــــ معــــه فيــــلم؟

خــــــــلاك تضــــــحـــــك؟


هكي سادك تو وانشالله ليا رجعه

أولا / السلام عليكم ورحمة الله وبركاته
عارفتك بترد السلام لكن مش من ضمن الاسئلة

زمان زمان زمان وانت صغير
1- كنت تلعب حفيان في الشارع ؟
- أي الأسرع الفهد ولا الفيل أثقل ؟ وليد عمره 5 سنين كم تفاحة في الصندوق ؟
طبعا مش هذي الأسئلة




انزل تحت تو تلقاهن

نعرف انه كل انسان عنده طموح بس أنت علي أي اساس تبني طموحك ؟
ونعرف كل انسان عند خيال نبي نعرف خيالك وين يمشي بيك واكثر شير اتفكر فيه لما اتكون سرحان ؟
شن متوقع يكون مستقبلك ؟

ملاحظة : عليك الاجابة على جميع الاسئلة التي كتبت باللون الازرق هههههه


وأن شاءالله أسئلتي ماكانت صعبة .......

اووو عيد ميلادك كل عام وانت بخير وعقبال مية شمعه يااارب
ماكانش عندي علم كان عندي علم راهو درتلك احلى موضوع
طبعاا رجعتلك من جديد
وجاي بأسئلتي طبعا
اكتر عضو وعضوه ارتحتلهم في المنتدى؟
لاعبك المفضل لكرة القدم؟
معلق تفضله؟
اتبع في الموضه ولا عادي؟
ان شاء اتكون اسئلتي خفيفه عليك ***

مساء الخير hard man
انشالله مرتاح ع الكرسي الطريق طويله مازال قاعدين في البدايه

اهلييييين عللو
وباسمي وباسم اعضاء المنتدى انقدملك اعتدار والله ماعندنا علم بعيد ميلادك
ووعد مني احلى موضوع لــ hard man
وانشالله كل عام وانت بخييير
وانت بخير مانيش لايم عليكم ×_-

وينعاد عليك بالصحه انشالله
انشالله اجمعين

اووك نرجع لموضوعنا الاسئله انشالله اتكون اسئله خفيفه ومش واعره زي الي قبلي ههههههههههه
انشالله

من هو آخر شخص :

طـــلعت معـــــه؟
صاحبي وليد الدغاري

كلــــمتـــه بالتلــــليـــفون؟
girl freind ×_×

قالـــــك ,,,,أحـــبك,,,,وكان صادق فيها؟
الاجابة اللي قبلها وانشالله واثق ان صادق
جـــــرحــــــــــــك؟
لا صدقيني اني منتاثرش للدرجة المعروفة بس ممكن الموس هههههههاي
شفتــــ معــــه فيــــلم؟
مصاحبي بس فيلم رعـــــــب
خــــــــلاك تضــــــحـــــك؟

العبيط خوي الحسن نذل لابعد الحدود
هكي سادك تو وانشالله ليا رجعه
مرحبا في اي وقت

أولا / السلام عليكم ورحمة الله وبركاته
عارفتك بترد السلام لكن مش من ضمن الاسئلة
وعليكم السلام مافيش حتي نص درجة عليه
زمان زمان زمان وانت صغير
1- كنت تلعب حفيان في الشارع ؟
لا الحمدلله ماكنتش من النوعية هذي ... وانا صغير ( بلبول ) *_-
- أي الأسرع الفهد ولا الفيل أثقل ؟ وليد عمره 5 سنين كم تفاحة في الصندوق ؟
طبعا مش هذي الأسئلة
الحمدلله انهن مش هذين قبل نبي ننتحر



انزل تحت تو تلقاهن

نعرف انه كل انسان عنده طموح بس أنت علي أي اساس تبني طموحك ؟
علي المصداقية والموهبة اللي عندي ( مش فشاك راه لكن انجاوبو)
ونعرف كل انسان عند خيال نبي نعرف خيالك وين يمشي بيك واكثر شير اتفكر فيه لما اتكون سرحان ؟
شن متوقع يكون مستقبلك ؟

حنجاوب علي السؤالين مع بعضهن
بالنسبة لخيالي دائما ياخدني ناحية مستقبلي وانتوقعة او زي مانتخيله
اني نكون مشهور معروف في الوسط الجماهيري

ملاحظة : عليك الاجابة على جميع الاسئلة التي كتبت باللون الازرق هههههه
لا اوك جاوبت

وأن شاءالله أسئلتي ماكانت صعبة .......
هذا كله ومش صعبة

روحي ياشيخة

اووو عيد ميلادك كل عام وانت بخير وعقبال مية شمعه يااارب
شكرا
ماكانش عندي علم كان عندي علم راهو درتلك احلى موضوع
لا خلي عندك علم المرة الجاية مش حتمشي في اعتذار
طبعاا رجعتلك من جديد
مرحبتين ولو ماوسعكش المنتدي انحط في عيوني
وجاي بأسئلتي طبعا
هذا الجو مش تمام
اكتر عضو وعضوه ارتحتلهم في المنتدى؟
سالي
لاعبك المفضل لكرة القدم؟
روبينهو + توتي
معلق تفضله؟
فارس عوض الاماراتي
اتبع في الموضه ولا عادي؟
لا انتبع فيها + نخترع في موضة من عندي شباب الشوكة والمدرسة يلبسوني شوي بعدها يبدو يقلدو في
ان شاء اتكون اسئلتي خفيفه عليك ***
خفيفة زي دمك

يانعلااااااااي

24 فيش حد سال يوم اجازة

خيييييييييرات
كيف حالك اليوم
انشالله تمام
السؤال الاول

انت امشارك في برنامج ليبيا الرياضيه امتع المعلقين هدا امتع المسابقه ؟؟؟؟



اعتذار تريد ان تقدمه لمن؟
هل انت راضي عن نفسك ؟
هل من الممكن ان تتحول الصداقه الى حب ؟
ما هو اقتراحك الذي تتمنى ان يحدث في هذا المنتدى ولم يحدث الى الان ؟
هل ملابس الشخص امامك تؤثر فيك لتأخذ عنه انطباع ؟؟
هل انت من لديهم رغبة حب التملك واذا تملك الشيء اصابه الملل منه ؟


يلا جاوب وانشالله الاسئله ماتكون تقيله

خيييييييييرات
كيف حالك اليوم
انشالله تمام
الحمدلله شنجك انتي

السؤال الاول

انت امشارك في برنامج ليبيا الرياضيه امتع المعلقين هدا امتع المسابقه ؟؟؟؟
انشالله اشتركت


اعتذار تريد ان تقدمه لمن؟
لكل من غلطت فيه
هل انت راضي عن نفسك ؟
تمام الرضا
هل من الممكن ان تتحول الصداقه الى حب ؟
بالتاكيد ممكن تحولت معاي لكن لايمناها
ما هو اقتراحك الذي تتمنى ان يحدث في هذا المنتدى ولم يحدث الى الان ؟
ترد الدردشة
هل ملابس الشخص امامك تؤثر فيك لتأخذ عنه انطباع ؟؟
لا ماتاثر في بس انحس ان ملابسي تاثر في اللي قدامي
هل انت من لديهم رغبة حب التملك واذا تملك الشيء اصابه الملل منه ؟
نعم احب التملك وهذا من اكبر عيوبي

مرحبا HARD MAN انا رجعت مع اسئلة جديدة
انشالله ساهلة
السؤال الأول :-
شنو هي الحاجة او الشيئ اللي يخلي hard فرحاان ?
لما يلقي حلوة زيك تراسل فيه

السؤال الثاني :-
شنو المكان اللي تحس في روحك مرتااح فيه؟
شقتنا فقط
السؤال الثالث :-
شنو الكلمه اللي تردد فيها ديما ؟
ويــو + دوقادوقا + حبيبي قلبي
السؤال الرابع :-
كلمه سمعتها وديما على بالك وما تقدر تنساها ؟
انت أصغر معلق رياضي في العالم *_*
السؤال الخامس :-
نصيحه من والدك او من اي شخص اخر تعتبرها منهج في حياتك إلى هذه اللحظه؟
فكك من الغرور
السؤال السادس :-
هل بودك ان ينضاف قسم في المنتدى ؟ وشنو رايك ممكن يكون اسم هذا القسم ؟
نعم قسم خاص بالكشافة
السؤال السابع :-
شنو الاكله اللي ماتستغني عنها في يوومك ؟

السؤال الثامن:-
شنو المكان اللي ماتحبش تعديله ابدا لكن تعديله غصبا عنك ؟؟
حوش عيت خالتي مانحبش لكن يفرضو علي نمشي ( يقولو خالتي تزعلي )
السؤال التاسع :-
نبي نصيحه منك لكل الشبااب ( بنات او اولاد ) اللي مايستغلوش اوقات فراغهم في شي مفيد ؟
نصيحتي لهم امممم
بالتاكيد عدم الاستفادة من اوقات الفراغ شئ سلبي لذلك يحب بل يفرض علي كل شاب واعي متحضر الاستفادة ولو جزء بسيط من اوقات فراغهم بتنمية مواهبهم المدفونة داخلهم
سلام مع كرسي الإعتراف

طبعا منورة علي المية


س / حسيت أن باتك أو بوك كيف ماتقولوا له وقفات معاك في تحقيق حلمك وشكلك متعلق بيه زيادة لو ممكن وبراحتك تحكيلنا على أي موقف تعب فيه باتك عشان يساعدك على تحقيق حلمك ؟؟؟

في رمضان اللي فات 5 مرات ماشي جاي علي طرابلس من مطار بنينة
كتن باتي يتعب اكثر مني بحيث كان يقدر يخليني نمشي في سيارة اجرة او اجر الي بنغازي بعدها شور المطار لكن كان يصر علي تواجده معاي خاصة في اول رحلة حيث انه مشا معاي لطرابلس في عز الصيام
لكن في باقي الرحلات قلتله معش تمشي معاي فاصبح يمشي في نص المسافة معاي الي بنغازي بعدها يطلقني



ومنورة علي السؤال كان في الصميم

في مواقف واااااااجد مع باتي كنك تبي تسالي

نوووورت ياولد على الكرسى


وكيف حالك بالضبط

وشن جو التعليق معاك وحبوب الفوار اكيدة دايرات جووووووو ههههههههههه




ما رأيك يالمنتدى ؟

ماهي المواضيع التي تميلين للكتابة فيها اكثر ؟

ماهو القسم المفضل لديك ؟

من هي العضو المثالية من وجهة نظرك في المنتدى ؟

ما الشيء الإيجابي الذي اكتسبته في شخصيتك من دخولك المنتدى ؟

ماهي هوياتك ؟

ما هو اطرف موقف صادفك في حياتك ؟

اجمل كتاب قرأته وأثر فيك ؟؟ اكثر ما يقال عنك ؟ " كتومه , هاديه , عصبيه , حنونه , ضحوكه

نوووورت ياولد على الكرسى
منور بوجودك
وكيف حالك بالضبط
اندور فيك نبي انمرطك

وشن جو التعليق معاك وحبوب الفوار اكيدة دايرات جووووووو ههههههههههه
التعليق تمام لكن حبوب الفوار والله عندي بوشراح شوفلنا كيس




ما رأيك يالمنتدى ؟
اروع من الروعة

ماهي المواضيع التي تميلين للكتابة فيها اكثر ؟
تميلين اااااه
والله بصدق عادة مانحبش امزل مواضيع لكن مواضيع النقاش العام بجمييع انوعها

ماهو القسم المفضل لديك ؟
*_* اي قسم رياضي ياكرمبة

من هي العضو المثالية من وجهة نظرك في المنتدى ؟
ماشالله علي اللغة العربية اللي عندك
شذاوي + سالي

ما الشيء الإيجابي الذي اكتسبته في شخصيتك من دخولك المنتدى ؟
هههههه مش من السهل اي شي يغير في شخصيتي

ماهي هوياتك ؟
وااااااجد عرم هلبا برشا

ما هو اطرف موقف صادفك في حياتك ؟
ممكن ماتفهموش
لكن انا نقراء كنت في مدرسة مختلطة *_-
كانت معانة بنت عبيطة سالتها ابلة العرب من فتح القدس تمت تفكر البنت تفكر تفكر شوي قالتلها الابلة مش انتي عندك اسم حتي هو عنده اسم نفسك شوي قلتلها نجلاء
هههههههه يارب تفهموه

اجمل كتاب قرأته وأثر فيك ؟؟ اكثر ما يقال عنك ؟ " كتومه , هاديه , عصبيه , حنونه , ضحوكه

اجمل كتاب شعر الزنم الجميل لــ( والله ماني عارف اسمه لكن الشعر جمييييل )
كتوم + عصبي

أصعب موقف مررت به ما هو ؟
والله بجد لما جبت جيد جدا في اولي ثانوي
2-ما رأيك بالانترنت بشكل عام وما هي ايجابياته وسلبياته من وجهة نظرك؟
كل شئ له ايجابيات وسلبيات وفي ظني في هذا المجال معروفات
3-ذكريات الطفوله لها مكانه في النفس ..ما هي اجمل المواقف التي مررت بها في طفولتك؟
مانذكرش شي من الطفولة بكككككككل
4- من هو الشاعر المفضل لديك؟
مش شاعر كاتب سقراط
س5.في الك قرايب بالمنتدى ولا لاء ؟
لالا
س6.مين اعز اصحاب الك موجودين هون بالمنتدى؟
ميزووووو
س7.شو بتحب تحكي للي فبالك هلا ؟ ومين هو ؟؟ ^_^
سامحتك ياعني _ والشاطر يفهم

س8.معك 3 وردات لمين بتهديهم من الاعضاء ؟
شذاوي
سالي
ساني
انت لا

س9.اسعد يوم بحياتك واحزن يوم ؟
اسعد يوم يوم تكريمي في قناة ليبيا الرياضية
احزن يوم اااااه يوم وفاة عمتي الله يرحمها

س10.ان بدك توجه رسالة خاصه جدا لمين من الاعضاء راح توجها ؟^_*
ممكن شذاوي او سالي ( مايروحش تفكيرك لبعيد )
س11.اختار عضو من الاعضاء وحطوه بمكانو المناسب ههه يلا اشوف
عضو نشيط.شذاوي
د.عضو تفرح بوجود ه سالي
عضو تحسه واثق من نفسه ميزووو
عضو داخل مزاجك سالي
عضو يغيضك المنبي
عضو تتمنى تلقتي به شذاوي
عضو مثقف شذاوي
عضو تخاف يوم أتشوف اسمه موجود ميزووووو
عضو بدك تغير اسمه ميزوووو
عضو بدك تعرف معنى اسمه ساني
عضو تحس انه شقي سالي
عضو حابب تتقتل معاه مافهمتش
عضــو يجذبـك بأسلوبه وطريقـة ردوده ميزوووو
عضـو أحيانا ينرفزك بـ ردوده ميزووووو
عضو أتحس انو طموح ميزوووو
عضو بتحسو طفولي ميزوووو
عضــو يناسبو لـقب المحبوب سالي
عضو بتحكيلو (( الله يسامحك )) .. ميزووووو

هههههه شو ظل في نفس

يلا انكمل
والله انوريك

بدك تقتلني صح
هربت للنمسا توا انطب عليك في فيينا
س12.ما هي الحكمة التي يرددها والدك او والدتك ورسخت في ذهنكِ؟
عز نفسك مش عارف الباقي شنو
س13.رتب عشرة أعضاء تعزهم بمعزة خاصة دون غيرهم (الاكثر معزة اولا) ؟؟
مش واجد اللي عندي دلالة معاهم
1 سالي / شذاوي / ميزو/ ساني /دوها يادوها/ العسل
س14.متى يكون (هارد مااااااان) .. ؟
في المنتدي
- جسد بلا روح: في البارد
روح بلا جسد: في السالك
روح بلاروح : في البارد
جسد بلا جسد: في ... والله ماعرفت


س15.هـل تحب الانسان المرح ؟
بالتاكيد

س16.مـتى تـكون جـدي ؟
في الجد
س17.هـل تؤمـن بالحب من اول نظره ؟؟وليش ؟
اكييييد _ توا نحكيلك علي الخاص *_-
س18.هـل تؤمن بالصداقه بهاي الايام ؟
بالتاكيد هي اهم شي
س19. لازم نسال عن احوالك .. شو اخبارك؟
توا غير خطرت عليك تمام ياعمو
س20. لو ظهر في بيتكم بئر نفط ... هل ستخبر الدولة أم تختار الصمت .؟
نبلط شور اوباما _ بالتاكيد فاليبيا فوق الجميع
س21. لو قدر لك أن تدخل السجن فماهي القضية التي تتمنى أن تدخل بها إليه ؟
تهمة اسري حرب بعد الدفاع علي الراية الخضرا
س22. في يدك قنبلة يدوية وفي الأخرى وردة حمراء .. أين ستضع القنبلة ؟ وأين ستضع
الوردة؟
القنبلة في نص تل ابيب / الوردة في المنتجي

س23. بجملة واحدة فقط أكتب تعريفاً لكل كلمة من الكلمات التالية :
الوطن : الامان
الأم : كل شئ
الليل : الظلمة
الحب : الطمانينة
الصمت : هزيمة
المرآة : الشريكة
الإنترنت : عولمة
الرجل : اخلاق
الماسنجر : شاتينق

س24. لو كنت مرشدا سياحيا في صحراء الربع الخالي من ستصطحب معك وتضيعه هناك ، ولماذا؟
ميزو لانه عدا للنمسا بدون مايقولي وقبل مانطللق انشلطك

س25. أختر خمسة أعضاء من المنتدى وامنحهم ألقاباً ؟
ميزو النمساوي
شذاوي الذوق كله
سالي بيسووو
العسل العسولة
المنبي ياييييييييه
س26.ما هو مستواك الدراسي ؟
توا شهادة ثانوية علوم حياة
س27.القسم المفضل لديك بالمنتدى ؟
اي قسم رياضي
س28.أفضل عضو متابع لمواضيعه ؟
الجميع بدون استثناء
س29.ما هي الفائدة التي أخذتها من وراء جلوسك على شاشة الكمبيوتر ( على النت )؟
اعداد تقارير برنامجي الاذاعي
س30.أيهما الأقرب لديك الأخ أم الصديق ؟
بالتاكيد الأخ
مع انه كرمبة
س31.متى نزلت دمعتك غصباً عنك ؟ ولماذا؟
لما جبت جيدجدا

مانجيك فى حاجة وحشة ان شاء الله
انشالله
طبعا لى عوووووودة
مانرييييييييدك

هو حسوووووونة الغالى
جاوب عالاسئلة

يلا حبيبى جهز روحككككككك

جايتك بظاعة جديدة هههههههههه

- كيف تعرفت على المنتدى وسجلت فيه؟
علي الايمل بعثلي المدعو ميزوو رسالة فيها الرابط


2-احلى ذكرياتك في المنتدى؟
شوي بس نين نخشو فيه خشة صح بعدها انتفاهمو

3-ما رأيك بكرسي الأعتراف؟
اللي وتاته شذاوي كيف يبي يطلع

4- كل انسان وله أمنيات وأمال .. يا ريت تخبرنا عن الحلم اللي يراودك أو بالأحرى
الأمنية اللي تتمناها؟
بصدق الشهرة والي الان علي مااظن حققت نصف الطريق بحيث شهرتي في مدينتي وممكن الوسط الرياضي من دولتي
ومازال الخير لقدام

احلى كلام حسوووووووووووون

وان شاء اله مزيد من التقدم خوى الغالى

ونشوفوك احلى وافضل المعلقين فى ليبيا وخارج ليبيا

ياربى ديما فى العالى حسون

مشكووووووووووور hard man

وشكرااا لكل الاعضاء

وكان فيه اي سؤال ياهارد مان ماجاوبتش عليه جاوب عليه اليوم

ويا اعضاء كان فيه اي سؤال تبو تسألوه اسئلو اليوم

لاني حنسكر الموضوع اليوم

سلاااااااااام

مشكورة شذوووووووو عالمجهود ارائع منكى

اي واحد سال جاوبته


اللي يبي يسال بسرعة راه خلاص شذاوي نبي تصكر الموضوع

خلاص يسدك
يلا ياحبيبى
اشقى بالمنتدى توا
قوم من عالكرسى هههههههه

مايسال غير القصقاص

يلا مع السلامه ياهارد مان نشوفوك بخير نوض ياسرك ههه

شكرا شـــــذاوى على الاستضافة الراقبة منكى

شكرا هارد على اجابتك على الاسئــلة من قبل الأعضــاء الكرام

وترقبونا مع عضــو آآخر قريبـــا

سلااااااااااااااااام