السلام عليكم
صباحكم مساؤكم /// ورد وياسمين
اليوم حبيت أشارككم بموضوع اتمنى ان ينال اعجابكم ويلقى تفاعل منكم
طبعآآ كل الاعضاء طالعين زردة للبر وماشيين بيغيروا جو
ياناري مساكين فدوا من النقاشات والجو المغموم في المنتدى
يا حليلهم وخلاص ايديهم صارلهم تشنج من كثر ما يناقشون ويكتبون ردود
يلا ماعلينا قلنا انديرولكم زردة ترفه عليكم شوية وتغيروا الجو برا
يلا وتوا الباصات وكل واحد يجيب معاه حاجة نبوها زردة يتكلم عليها التاريخ خخخخخ
وقبل ماتركبوا الباصات جاوبوا الاسئلة وانطلقوا
والاسئلة هادي اللي بيرسب فيها مش ح يطلع معانا زردة
باباي ايها الراسبين خخخخخ
يلا بالعضو يجاوب وديروا طابور وراء بعض ماتحشموناش نبوا نصوروها
1.من العضو اللي ماتبيشي يركب معانا في الباص ؟؟ وزعه
2.من تختار يكون رآآعي الباص؟؟
3.من العضو اللي تختار تخلي فلوس الرحلة عنده ؟؟ لازم يكون قد المواصفات آمين وقد الثقة
4.من العضو اللي تبيه يقعد بحداك في الباص؟؟
5.من العضو اللي لما يمر جمبك يقولك الكرسي هادى محجوز والا لا تقول ايه محجوز وهو في الاصل فاضي ؟؟ وزعه حتى هو
6.من اللي تبيه يذبح الخرفان امتاع الزردة؟؟ لازم يكون قلبه قوي هادى
7.من العضو اللي تبيه يطيب الغدي والعشي يعني طباخ الزردة ؟؟ هههههه يا حليله
8.من العضو اللي تعتقد انه بيدير جو حلو للرحلة ؟؟
9.من العضو اللي تحس انه هارب هروب معاكم وامه تتصل تقول رجعوه بسرعة خايفة عليه ؟؟
10.من العضو اللي بتعتقعد انه اهله ارتاحوا من دوشته لما مشي للرحلة ؟؟
11.عضو تحس انه الرحلة هادي رح تعرفك عليه اكثر؟؟
12.من العضو اللي تحس انه مش ح يرقد بكل طول الزردة وخاصة لما يسمع صوت غريب في الليل؟؟
13.من العضو اللي تحسه بيزن عليكم رجعوني للحوش معاش نبي زردة خلاص مليت ؟؟
14.من العضو اللي تحسه رح يحل المشاكل اذا صارت مشاكل معاكم في الزردة؟؟
15.من العضو اللي لما نولع النار واجتمعنا يقعد يهدرز ويقول اشعار وخواطر يعني اسلوبه شاعري وماينمل من كلامه؟؟
16.من العضو اللي تحس انه ح يدير مقالب للاعضاء وبيغير جو الرحلة ؟؟
17.من العضو المطفوش اللي من كثر طياشته تتوقع انه يريح ويديرلكم مشاكل مع اهله؟؟
18.من العضو اللي تحسه بيطلع رهيب هلبة؟؟
19.من العضو اللي لو فتشت شنطته لقيت عنده عطور ومرهمات ومناديل وكريمات عشان القرصات اللي بيحصلها من الحشرات يعني هبي ياااااي؟؟
20.من العضو اللي تحسه منظم ومرتب ورح ينظف وراء حوستكم وينوضكم الصبح بكري وجايب معاه شنطة اسعافات اولية يعني مهتم ؟؟
21.من العضو اللي تتوقع انه يطلع مجنون ويدير اي شيء بدون تفكير ؟؟ يلا سادكم هكي
خودوا راحتكم ويلا تفضلوا معانا ..
