++ صندوق ذكرياتي ++

شكرا ليك سني ع الموضوع الحلو

وأكيد من غدوة حنقلكم شن هي ذكرياتي

راجعتلكم

مشكووورة sunny ع الموضوع الحلو وبالفعل أحلى حاجة الذكريات القديمة وبالذات الطفولة

ومن الحلو أن نسترجعها

اكتر حاجه نتفكر في روحي لما كنت صغيره اني كنت سمينـــــــــــــه واني طبعا توأم مع خوي صائب
وكانت امي اديرلنا في شيشتين وحده ليا وحده ليه طبعا اللي زي البنيه الفالحه انكمل في شيشتي ونمشي ناخد شيشته

كنت غالباته ديمه


وامي الله يمسيها بالخير كل لحظة في حياتنا لما كنا صغار مصورتها

ديمه اني وصائب كنا نتعاركوا مع بعض
وطبعا ديمه اني غالباته ياناري هو رايح ضعيف بيموت مش زيي اني

المهم هادي اول ذكري ليا وللحديت بقيه

هههه حلوة انه يكون عندك توأم وياناري عليه منك شكلك موريتيه الويل هههههه

ونستنواصفصوفتي في باقي الذكريات الحلوة ...

هههههههههههههه
سمينه صار يا صفو كنتى زى صوره الي حاطتيه هههههههههه خوك تضربي فيه يانراي مفروض خوك تواء ايرده كله ههههههههه

ههههههههههه

تي وين خوك يجي يشوف شن كاتبه عليه

كانك اختي حي عليك حي راني قتلتك
هههههههههههههههههه

كنت سمينه احرف من الصورة
لا خوي توا اني وياه زي العسل
مايقدر حد ايخش بيناتنا هاني قلتلكم من توا محد ايتعب روحه ويضرب المسامير

تاني اهم ذكري ليا حتي هي اني وصائب خوي
حني كنا نسكنوا في العمارات متع زاويه الدهماني المهم مشينا كذبنا علي صغار العمارة كلهم وقلنالهم مدايرين حفلة في الشقه العشيه وطبعا امي ماتدري علي شي المهم خلينا امي ترقد في القايله ومشينا درنا خيمه يالبطاطين في البلكونه وحطينا فيها شمع وفراشات وجو مش عادي
وخشينا للكوجينه علي اساس بنديروا رز مقلي
ترا قولوا فاش قليناه في سبات النايلواههههههههههه
وداب النايلوا وتخلطت الحكايه علي بعضها والشقه كلها بديت صنتها حريقه مشينا سكرنا علي امي الدار

وسكرنا باب الكوجينه

المهم ماجت الساعه اربعه ونص لين بدوا ايجوا الصغار
اللي جايب معاه سفرة حلويات واللي جايب معاه هديه مغلفه واللي جايب معاه كيكه المهم لين جت وحده من الصغار معاها امها
شهقنا هادي شن جابها
جيت فضحتنا وناضت امي عاد لقيت الشقه معميه بالصغار والكوجينه الحايسه خلت الصغار روحوا وعطيتني اني وصائب طريحه مقومه

هههههه حلوة هذي في سبات النايلو
وياناري عليها امك شكلك امتعبتيها من الأخير ههههههه

امتعبينها درجه اولي

بس شطانتنا حلوة

هههههههههه

والله احلى ايامات جوووو

غر كان نرجعو ليها بس

ايه والله كان نرجعولها

وتوا كملن اليومين الخاصات بالعضوة صفو

وسيتم الإبلاغ بالعضو الأخر

مشكورة سوني علي الاستضافه الحلوة

اني من اهم دكرياتي

مره امي بتمشي لحوش خالتي وكانت بترفعني اني بس مشي طلعتلي كندرة جديده

مشيت لخوي قتله هي هي اني نمشي وانت بتقعد في الحوش
وعندي كندرة جديده
وقعدت نتفلح عليه وعلي خشت بوي لقي خوي يبكي

ساله مشي قاله شن درت عطاني طريحه مقومه وعطاه الكندرة وهو اللي مشي مع امي واني قعدت في الحوش





دكرة تانيه مرة ماشي لحوش عمتي مابوش يرفعوني
هما طلعوا من هني واني لحقتهم علي اساس نعرف الحوش وين ايقبل
وانطلقت الرحله
خشيت من الجيهه هادي وطلعت من الجيهه هاديكا ولا نندري عليها من وين زارقه
لين روحوا ومالقونيش حي عليا حي وقلبوا الدنيا عليا واني عاد ندهور في الشوارع واشبح وين كنت هداكا الوقت

وهما عاد ماخلو حد ماسألوه عليا ولا خلو شرطه ولا خلو قسم وهما ايدورو هالأهبل وين امشي

وبعدها بالصدفه لقيت ولد عمتي ورجعني للحوش
ومانحكيلكمش شن صار علي كلام علي كفوف علي طرايح
باهي الي لقيت ولد عمتي والله كان هدا راني رحت فيها

ايه هادو اتنين من دكرياتي ان شاء الله نرجع مره تانيه وانكمل دكرياتي السعيده

ههههههههههههههه

ههههههههههههههههههههههه

والله جو انت يا الجداب
ماشطنك ياولد

جووو عليك

ايه الاولاد كلهم هكي كان معجبهمش الجو يطلعوا من الحوش

ههههههههه

والله الذكريات هذينا مافيش احسن منهن

وتوا خلصن وكملن اليومين الخاصات

بالعضو الجذاب

و إن شاءالله حا يتم إعلامكم بالعضو التالي

العضو اللي يبي يشاركنا ذكرياته هي توأمي المجنون

هيا ونحنا بأنتظارك انتي وذكرياتك علوش

يلا علوش قوليلنل ذكرياتك نستنوا فيك

يلا توأمي انراجو فيـــك..

اهو جيتكم

اهليين

كبف حالكم اسفه لو تأخرت عليكم

هما الدكريات هلبااا لكن لما يبي الواحد يدكرهم مايلقى شي

المهم مره واني ضغيره ممكن عمري 6 او 7 سنوات في الحدود هادي
في عيد امشينا لمزده طبعا مزده هادي بلادنا الام
كل عيد نمشو انعيدو غادي
فمره امحنيه واني لما كنت صغيره انموت في حاجه اسمها حنه
شوي اتجمعنا كلنا وجبنا بلكتين (رشادتين كبار)وحطيناهم علي بعض وحطينا فوقهم لوحه طويله
وننقسموا مجموعتين كل مجموعه اتقعمز في جيهه فأني امقعمزه الاولى وقريبه من الرشاده الي تحت اللوحه
شوي حطيت ايدي بين الوحه والرشاده طبعا وحني ندرجحو ع اللوحه واكييييد الظفر سلامتي فيه
والمشكله لما انعيط مش واجعني الظفر واجعتني الحنه الي مشت مع الظفر قعدت انقول اه يا صبعي الي محني

ليا رجعه

هههههههههههههه

صح والله
تعرفوا كان تشوفوها كيف تبكي علي الحنه اللي طارت مع الظفر تضحكوا عليها لين تموتوا

ههههههههههههههههه


يلا زيدي شن تاني

جو الصغار يعني شني

ومره حتى هيا جيت لامي في القايله قتلها امي خاطري نضربك كف قتلي بري اقلبي وجهك
شوي درت روحي زي البنيه الفالحه لبوي قتله خاطري نضربك كف قالي اضربي واني ماصدقت عاد
ضربته كف ردهولي حي عليا خلقة كف قسما بالله رن في ودني وبكيت بكيت
وهما في العشيه ماشيين للمزرعه بوي ماباش يرفعني معاهم كلهم ماشيين الا اني شوي امي دارتلي واسطه
قتله معليشي صغيره وهكي

حااااله

هههههههههههه

تستاهلييييييييي

هههههههههههه

حلووووة بكل هذي نضربك كف

وتوا كمل دور علوش وجا دور عضو اخر

بس شوي وانقول من هوا ....

ههههههههههههههه
علوش تستاهلي و شوية فيك و توا اللي يشوفك براءة و عاقلة و انتي كنت زي العفريت لما كنتي صغيرة