السلاااااااااااااااااااام عليكم
اليوم جبتلك موضوع الابراج بالليبي كل واحد فيكم يخش ويشوف برجه بالليبي ويقول شر رايه
الأبراج بالليبي
الجدي
الحكاية ماسة بعضها هاليومين ..دورلك على خدمة وفكك من جو الشارع .. فيه هلبه بناويت مضروبات فيك و أولهم جميلة الحولة ..رد بالك منها راهي امتع كتيبة ودوه فارغة ...
يوم الحظ ( وسع بالك .السبوع هدا ما فيش حظ )
الدلو
تو بينفعك التنسريف ..قد تعاني من الكساد هدا الشهر .. حاول أن تدهب إلى شارع سناء ولا عكس في الجردينة الجديدة .. ورد بالك تشري كندرة كحلة ..فالها مش باهي ليك ..
يوم الحظ ( اسمك ما عندناش راجع بعد غدوة)
الحوت
يا سموني. مش قتلك معاش اتناشب الناس .. رد بالك على صحتك وياسر من الرياضي وأنت أتقول مردومه .. وحاول التقليل من الدهاب إلى شاطئ الأمان والشجرة .. مصاريفهم هلبه
يوم الحظ (مافيش حل شد الطابور لن يوصل دورك )
الحمل
تطورات في الناحية العاطفية ..مش منك من الخرط في الجامعات والمعاهد ..ماعلينا .. حاول إن تكتر من أكل المركونه فالنجوم تخبرك بأنها صحية ميه المية .. بالذات لما جارية ..
يوم الحظ ( خل انسقدو اللي قبلك وأنت امداير دوشة )
الثور
عليك بممارسة الروتين اليومي ..نوض الصبح ..أطلع للشارع وعول على مكياطة وباكو دخان وشد انقلي لن أتموت .. سيأتيك خبر جميل في الاسبوع الماضي فكن على استعداد ..
يوم الحظ ( وين رقمك يا شاب..فيه قبلك هلبه )
الجوزاء
أيوه حنا..وي ..غير ساعد روحك عارفينك واعر .. قد يتعفلق من تحبهم ودلك لانك اتدير في روحك حرجان منهم ..فلوح عليك الدوة الفارغة وبرا صفي وضعك خير ما اتريح عليك ..
يوم الحظ ( يمكن أن يكون مقفل أو خارج نطاق التغطية )
السرطان
في أثناء ذهابك إلى صاحبتك قد تجد من ايعاكس فيها ..فعليك بطرف لوحه ولا دبسة مليحة وعلى ظهره لن أيقول بس .. وكان قال بس ..قوله على منو اتبسبس يا خونا ..وطيح فيه من جديد
يوم الحظ ( انسينا المفتاح اليوم ولي غدوة )
الأسد
جوك المليح قد يجدب لك بعض النفاخين الجدد ..حاول أن تفوتهم زى الريح لأنك بتقعد عالق فيهم ومعاش بيصير منك .. حياتك يسودها نوع من الاضطراب ..روح ارقد وولي بعدين .
يوم الحظ ( الكونكشن هارب ...راجي شوية )
العذراء
لا تتوقع أنك بتعيش أكتر من سنة ثانية..فشوف روحك من توا ..اهو قتلك ..برا هيج وشدها تروبين بالك اتدير حق سيارة وأنت أمفلس زى النهار الأحرف ..وقد اغدر من أندر
يوم الحظ ( كيف ..تبي يوم حظ ؟؟بالك هلبه عليك )
الميزان
شنو يا غزيل ..نوعك ما صدقت .. اترك كل ديونك وامنع خيرلك .. عليك ديون اكبر من راصك أمتى بترد للناس فلوسها .. النجوم تقول ..شد الخط وامنع أحسنلك راهو ايدورو فيك .
يوم الحظ ( لابس شخشير منقوب وتبي حظ ..نوض روح )
العقرب
بععععععععععععع .. ترري ..فيه صفصفه غادي عليك بها.. فيها كزيوني مش عادي ..الـ3 ربطات بربع وماشية الأمور .. وبرا اشري موبايل ليبيانا راهو برنامجه سالك .. ورصيده امليح
يوم الحظ ( نسحابوه اليوم طلع عطلة ..ولي مرة ثانية )
القوس
قد يتعفلق من تحبهم ..عادي الباب اللي ايجيك منه الريح كرشمه واستريح .. خيرك حصلة ودراه كبد .. برا اخطب البنت خير ما ايجي ايطبه حد تاني وتقعد تتـغوطلي ..و الله مانعرفك
يوم الحظ ( تسحاب روحك خير من اللي قبلك .وادعولي.شد الطابور سلم بابا )
